1/9所留的言....到現在, 我的想法都沒什麼變動, 而我自已也沒有什麼action(當然要9月轉倉10月啦...), 所以都沒再特別說什麼了.... (係架....方向對,只需要坐係度等就得架喇,咩都唔駛做,至於几時走,遲d再講啦...未有耐....) 近排開始得閒點, 又寫少少野啦
呢個浪咁樣升上來呢...我成日都聽到d朋友講: "嘩,做咩個市咁勁....真係估唔到佢升完又再升....沒完沒了...."之類的說話.....而且有些還是出自呢行的人/玩了很多年股票的朋友....呢點真係令我大惑不解....人,係面對錢,或與自己利益較有切身關係時....總係非常情緒化,不理智,或失億
其實在我眼中,這根本一點也不稀奇,係....呢個係大型的升浪...不過類似的都出現過很多次啦...駛唔駛咁驚訝呢? 尤其是死唔信邪還要沽果d,真係陰公...以為佢會回嘛...升得多升得耐會回...咩叫夠耐? 咩叫夠多? 如果唔知既都番去check check先講先沽啦....
講講"升得耐"先啦
以現今此浪為例,一般圖表用10,20,50天線,你就睇條10天線,呢個浪已經連續30個交易日都在其上了, 咁我再加小小寬鬆d唔好咁死呀--10天線的1%, 即收市價高於10天線的99%為準則, 出現連續30日或以上的升浪(>10ma*99%)...86年到而家出現左23次了! 而最長果次係77日! 就拎最近果次---07年上3萬果個浪,都42日啦,如果唔計唯一明顯隊穿10ma果一日(2007/10/22),都有51日啦...再前小小06年9~11月,果段都有52日,真係几十日枕住升唔會大回架...好驚奇咩? 真係仲唔回?一定要沽? 唉...
再講"升得多"啦
呢個浪其實唔算升得特別多,不過都唔小,不過不失啦....以上述標準連續30日>10ma*99%,去到第30日附近既高位,除返浪既起點--前一個底,呢個浪恆指升左17%,比較返之前果22次...一般黎講都是10~20%,而個別會有d特別既勁浪升3X~4X%啦
我只係想客觀點講些事實(統計)而已...分析就沒什麼喇....係見到D人好似未見過咁...有D火火地law
