大市回顧&展望

哈哈...好久沒上來...因為實在太忙

個市隊唔落...上落左一輪

而呢個多星期個市既行法似番樣了

在我而言,中線變左係行番上...昨日止蝕兼反手,輸6百几點,而買上我是用比short多一倍注碼的,現在還有一半未入,我等緊下星期會唔會有好位

有特別既野或我自己中線倉有變動會再上來講

其他分析研究之類既野,有時間我會盡量寫的

其實寫有好多野可以寫,隨手都有,不過要花時間整理,我唔想求其掉d野出來..亂糟糟的....老實講,我開個blog有部分原因是想整理下自己

盡力而為啦,hehe

呀係...ps.我long呢度止蝕會係around 20,000點

穩健的長線投資方法

其實小弟會用一個穩健的長線投資方法去做,我想它會是對最多人最有用的,(就算做短都不會100%做短吧..) 這裡我大致講講

方法很簡單,其實是源於那些所謂高pe(e.g. >18)沽出,低pe(e.g. <10)分批買入的方法

但我不會看pe,因為pe太死板,pe只係一個過去的value/expected既pe value...是說不準的
還有一個問題,是通脹(尤其經濟起飛時),其實pe高都可以冇問題,如果當時通脹好勁,看看70年代初到90年代初

而我既方法亦唔係買d可能有高增長的股票,只係選擇會派開高息有較穩定的生意/收入的股票
我想利用的是複利的能力,同股票於相對高/低位時yield既difference

先講選股,几類,首選收租股(做地主永遠有so),其次公路股,公用股,電訊股(已經漸變為公用股,除非科技有重要突破而改變整體人類使用電訊的模式),另一些派高息但波動大d既都可考慮,如油股,能源類股,銀行股(如果你買hsbc我就建議買恆生更好)

特別一提reits是很好的選擇,因為佢地上市已regulated必然有90%派息比率,(沒太多發展的收租股,年年實派息果d都一樣)而且你都知hk d地產商大晒,同几pk,佢地唔會死的 :p ,與其被X削,何不分一杯羹? 亦方便過你買樓收租,多少都有得買,注碼亦有得控制

ok,第2樣野,唔用pe用咩,都係用ma...用240周平均線(你可自行研究有咩方法更好)

我的方法是低過240sma(周線)的80%---下圖紅線以下的地方,開始分批買/用月供的形式買 (用你收入平時的saving,收息番來的錢,之前放左股票的錢去買)..但永遠不要一次過買盡,一定要慢慢買(因你有可能買足一年甚至更多時間),而且盡可能控制到越平越買得多量,如升左上去買唔晒就算,留番下次(很可能是几年後)(買唔晒其實是必然的,唔需要太介意,這亦確保你自己有cash flow係身,你都有可能做其他投資,以及生活上突然用到大錢,如結婚,入院,買樓等等)

沽呢?原來走在線上時,當一旦跌穿240 time series ma(周線)的90%就沽部份(最多也不可多於一半)---下圖穿藍線圈住的地方(交叉左果d唔係,因為佢並非原來枕住在線上),如再出現再沽部份,同樣永不沽盡,一定唔會沽得晒架喇,沽得唔夠多剩低既,佢跌左,唔駛理佢,照hold (我的方法係想永遠hold住,accumulate越來越多)

註: time series 平均線,是一種包含liner regression analysis(計算時間&價格)成份的ma,學術/數學上既野唔多講,有興趣自己上網search下,以hold一大段趨勢才平倉黎講,用佢好過用任何種類的ma,日後有機會開post講講這個東西

我的方法就係咁簡單...好多高息股一年5~10%息(以現時的水平來說),但你在紅色的地方買進時,你會得到更高的yield,因為價低

舉個例,陽光房地產現在派緊約$0.2息,股價2蚊左右,但之前08,09年-紅色的地方買,佢係$1.5樓下,最低穿過1蚊tim,你averge買到1.3的話,就係收緊15%息(ps升左上紅線後,收到既息唔好再買,加上你既saving等下次chance時才買)

還有一個很重要的特性,就係呢類高息穩健股,係多數時間都強過個市(唔係升贏個市,我指抗跌能力),你地睇圖見恆指穿左藍線時,可能以為d股跌左好多,但呢類股係呢個時候係唔會跌到好多架,多數仲係高位附近,你放時係可以賺埋價, 而佢地通常會在熊市最後階段才好顯著地大跌,就咁睇指數穿藍線,紅色地方買番,你可能以為difference好少,但呢類型既股係可以好大

利用呢d股既特性-佢地同個市既關係性,價不同yield既difference,儲蓄累積,同長年複利既效應,係絕對唔可以睇小的,我的方法不會令你很快發達,但你累積做2,30年退休一定會有保障架

ps: 用此2條平均線的方法,用於長線買整體牛市,亦會有參考作用的

當然,介定買上/沽出的機會,這未必是最好的方法,你可再研究,更歡迎你提出和大家交流一下

股市回顧及展望

個市只係好得果一日,咁就隊番轉頭...而大6似乎唔多掂,又穿左底...中線唔買得(所以我說需要等等睇佢咩反應才再決定),而家咁睇,我估個市有一段長時間都係唔上得的了...

而之前的勢是向下的,所以都只能假設佢繼續向下...不過基於之前所說過的--佢跌穿年頭個底後so far的反應--穿得唔夠多就反彈,細成交&波幅,同呢轉彈得似乎多了點,補番個重要裂口,跌既機會減小了(ps但仍大於會上的機會),我睇佢就算跌可能很有限,說不定真係變成上落市,會悶好几個月

中線,如果係有槓桿野/margin黎講,買上應該走的,等下次中線大上的機會啦...如做衍生工具,進取的,ok,可以沽了; 冇margin的,多貨也該走些,尤其是你有d跑輸緊比大市既股票,必走,強股都可以留住既,不過一定係要好spare唔等用既錢,同埋唔係100%既spare $放晒入去

因為從基本面既角度,我都認為佢唔會跌得几多(當然基本面非我擅長 :p),而在技術上我是當佢進入熊市的了,中線也是向下的機會最高,佢多數會出現第2組跌浪(我之前有d圖都post過,多數都2組2組的跌),而家下呢個situation演變成中期的上落市而最終會向番上既,係我印象中,呢2,30年黎試過2次--當然不排除有可能--如果這樣便要輸錢,風險當然是有的

其實小弟本身只傾向做中線,用些小槓桿,同傾向做上的--始終做上係最賺錢的,做跌通常係難d風險大d,不過賺起錢上黎會快很多咁解;  有時我可能表達得唔好,同我諗野太複雜,所以可能令人覺得一舊舊....

咁所以我直接講自己會點啦...我唔會買上,冇貨(唔計長線投資),前日大跌時,我開了小小淡-中線,應該唔會加碼,如果佢再彈得上黎然後再跌下去(唔係佢衝上黎時攔腰沽佢,我永遠唔會做呢種事,唔會嘗試逆勢做最高/低位,亦唔會計較几百點),我先可能再加些小,真的等到佢跌下去就搵位食(可能等好几個月架,我一年最多只有几個trade的),買上是主做跌是次,食到几多就几多,如果佢直跌下去,亦唔會加碼,如果到左我自己會止蝕或食或相反可以買上的時候,我必會在blog講出黎

我不會再多講短線的了,本黎我係想樣樣都講下,講短線果d也可等做短的人有些參考...不過似乎只會令睇既人覺得混亂...弊多於利..我不想這樣...我自己都唔會做短,短線亦唔係好準,同埋基於各種考量,自已都認為hk唔適宜做短/daytrade(ref. 短線賠率機動問題的文章)...所以都不作自己的評論了,但技術上圖表上,有研究過覺得可能有用的東西我會另開post寫