2010年6月5日星期六
1
首先,我要說我所謂短線是指几耐,(可能對某些人來講那已經是長線),我指的是2天到10日8日的持有時間; 至於其以下的,最多持有過1(2)晚夜是超短線,而daytrade就不用多說啦
那又為什麼我會說短線,包括超短線/daytrade呢? 因為這是基於港股的特性...
所有野都同一件事好有關,就係 1.港股開市的時間 2.短線被外圍影響的程度太大
首先我講下daytrade先, 在hk,恕我直言,daytrade其實係近乎冇得做的,hk上午開市只有2個半鍾,下午只有1個半鍾,成交量同大波動好多時集中在(上/下午的)開市初同收市尾,交易分佈係唔夠平均的,重點是佢係唔夠連續性
特別以system trade的為例,個市根本唔夠時間提供information比你做signal,有都可能好risky,而有的時候,個市受住佢好快又收市(上/下午)的影響,佢既波動可能有限,而好多時候(可以話係大戶玩野)佢一開市冇耐(甚至係現貨開前) 或 收市前最後一些時間(甚至係現貨收後), 佢 已經行左 或 先至 一野行晒佢所要行的, daytrade的,你會驚,到左尾段趕住走(但佢最後一刻先行),你看對的又會不過夜(佢翌日開gap或初段即行), 你點都是冇著數的
大家細心看看,個市一日又一日升/跌几百點的日子,裡面的核心走勢,有多少%是在即市中間發生的?(多數是在開市時間頭尾,或裂口) 有是有些,但大多都會是秒殺,几分鐘快速扯2~數百點的; 慢慢行既,其實都有d,不過一百几十甚200點咁chop來chop去,daytrade多數都用高槓桿(唔高trade黎其實又冇意思),咁你有冇信心守住呢?而daytrade定止蝕又很可能會比較tight
又,你可能會說,daytrade不求那些重要/較大的走勢,一百几十也食糊,所以我只是說"daytrade其實係近乎冇得做的",在HK,daytrade你唯一可以做的是target on小波動,但你必須有很高的準確率,因為你既賠率隨時連一比一都冇,你可能會錯邊撞中秒殺,而個市很輕易有几十點浪來浪去,你止蝕又要預得足夠; 一時趕唔切/不願止蝕小小過左夜,呢d風險就更不在話下
在daytrade,紀律同心理質素會比其他種類的交易更重要,因為你做長d既trade,你有時間calm down,但daytrade係冇的,但你要記住大家都是人都有情緒的(但一次錯誤有可能令你輸多次的profit) 除非,你有很好的system又完全信賴之,並該方法/策略有很高的機率(或你有本事控制到輸很小便止蝕也ok = 做到好既賠率),咁就有得做; 又或者你是天才,對個市有很好的直覺/觸覺,反應快,腦筋靈活
而即市內的波動可以說是近乎隨機的,或應該說是完全被參與者的情緒牽住走; 更重要者,參與daytrade的人何其多,大家都想不冒過夜險,日日賺些錢,好過打工,so,多少人在競爭? 簡直可以說這是惡性競爭
以ta角度,係hk既intraday可以apply既野真係頗有限,因為佢唔夠連續性,成交量唔夠大,所以我完全不鼓勵做daytrade的; 而要做的話,我只建議你考慮美國d期指,或外匯市場,佢地一連開几個中唔斷,成交量大得多,亦平均d (標普一晚over一百萬張成交,hk期指得果几萬張--大戶要搞野也非常容易,隊1,2千張都至少搞亂你一陣,但係標普或其他大既market係唔會有反應的,佢地相對上冇咁大的人為factor,不會因為一些大盤走出黎而亂跳),所以hk玩daytrade真係唔值的,盞益左大戶同衍生工具的issuers(佢地班pk日日鼓勵你賭,出d超貼牛熊咁,自己衝量咩值得咩唔值得做啦)
所以,係hk,果d話自己daytrade有乜乜系統win的,千萬不要相信,我信有極少數有天份既人長期做係win,但我不信有人用一種完全固定不變的機械方法做會win(即=可以讓其他人學到); daytrade是永遠賺不到大錢的,我相信或許有人有"較固定"的方法可win,但為什麼要說出來? 不是好心,是因為賣個sys比其他人,比自己用個sys trade更賺錢,而且唔駛take risk; 而如果方法真的有用,那麼越來越多人用了,其效力亦自然會消失
請大家明白,短線裡面既交易,根本係零和遊戲
2
在繼續之前我想說件有關daytrade的事
多年前,我碰巧識到個programmer,佢公司近乎只做一單生意,就係幫某大bank寫trading system,而呢個sys就係專daytrade環球期貨的
我問佢關於個sys,原來佢自己都唔知,公司assign佢地一人做一d部份,整個sys整體係點是冇人知的,只有cheif design果d同bank既有關人士先知成套野係點; 我只知道當中係有A.I.同神經網絡系統既野,sys也會自己學習,特別重點是在注碼調控方面,因為佢地本大,準唔準都可能冇咁重要,調控注碼而獲得好既賠率更重要 (可以贏加,輸減,分批入/出,某限度內既溝淡等策略...散戶夠條件做這些嗎?)
成績如何呢,佢話就據佢所知 (因為有2,3種期貨佢有負責mon住sys既運作或maintance), 一個月只賺几個至十几個%,還未扣各種成本(當然個本好大)
(試問想做quantitative trade的散戶如何同人競爭呢? 花那麼多人力物力求有穩定方法而有穩定回報的機構也不過做得如此)
可能我講d野都太discourage,不過我只想客觀地指出事實,正如topic之名,指出有"問題"的地方,希望想做的朋友好好考慮清楚內裡既問題
當然,我不否認一定有人有技術/天分,有方法/策略,有心理質素/風險管理,去做daytrade,但最終只有好少部份人成功,而當中你有可能要花很多時間精神入去,對於整個生命/生活而言,這又是否值得呢?
如要我坦白直言,我認為只有有天份同非常自律的人(有紀律得黎同時又靈活,其實都係一種天份),先值得搞daytrade; 有天份的人會自知的了,一切都不用多說,也不用質疑我所說的
by the way,
quantitative trade或固定的方法,我認為是不存在的,如果計算可以win,這個世界最有錢的人就會是數學家或最top既programmers,而如果真的這樣,其實也不輪到你和我這些level的人
(其實所謂有quantitative trade能夠win,佢win既其實係在於出,入,量的strategy,而唔係佢準)
量化的分析/研究是有參考作用的,但沒有一件事是絕對
呢d野藝術多過科學,如果市場可以量化,市場就不叫市場
3
超短線既問題其實都同daytrade差不多
主要源於太多裂口,而家仲咁易受大陸影響,hk一日可以有2個gap; hold1,2日你有可能賺一段几百甚至好起上來一千點,但錯了,唔好彩一開gap亦會輸几百; 當然理論上賠率會比daytrade(hk)好點
但很遺憾講...即使賠率好點也可能不太值得做,除非你有一定程度的準確,同埋更重要是注碼同資金管理 -->這是非常少人提及,但其實很可能比一切都重要,尤其在短炒上
假設average win有10%,loss有7%,你win1次loss1次,扣埋手續&價差都係冇咩得賺的; 如果win左或連win几次,同時加大size,到一loss一次就可能多過你之前win時平均每次的profit,而連loss2,3次亦好易冇左大部份累積win的profit,even打回原形; 你可能有好高的準確率,但好難講衰起上來會連輸几多次,不幸輸時你又好易會懷疑自己方法有問題...繼而再有唔好的影響, 所以如何control這方面比你每單一次睇個市準唔準來得更重要
以港股或其他指數,大體上來說,短線都是比上述的較可行....能夠容忍大d既波動,及持有10日8日的時間,而換取一段更大的升/跌勢,賠率會較大,亦比較冇咁易錯--因小做小錯&有時間諗同觀察,calm down理智地做決定
不過有個問題是用槓桿...好多人都用得太大槓桿,根本唔夠承受波動,或佢地唔了解自己,就算早有計劃,但當不利波動真正發生時,自己又覺得好唔舒服---咁就好易做錯決定; 當然還有上述的例子,注碼同資金管理的問題
現代市場資金多,流動性大,衍生工具泛濫-槓桿仲可以去到好高,而多數人急求快速有的利潤,個市會chop上chop下是正常的事,要不要參與這些困獸鬥,或是理解,包容,承受較短時間既來回波動,而去著眼更長遠大之走勢....如何選擇,自己長處在哪,值得做什麼,就讓讀者自己想清楚了
(如果是我自己perfer,我會話你知,所有短線都唔值得做,最值得做是中線(不論你用唔用槓桿) 其次是長線)
anyway不要任由身邊的人,傳媒,氣氛擺佈你,甚至我寫既野,總之自己仔細d,partically d諗清楚值得去做什麼...
(ps 在大牛市中短線炒股票亦是另一回事,這是比較有得做的,錢多數都會賺得到--如果唔用太多margin--用小小都accpetable既,視乎咩股啦; 問題只係能夠跑贏大市几多--唔能夠走位/選股得好,而不能跑贏整段牛市多很多---就不如抱住唔好郁,又唔駛傷腦筋)
