這個星期實在太忙,沒時間寫blog,其實今天也有野做呢...@@
上星期屎忽痕,想起以前d周期分析...整d post出來,真係神奇,今個星期,今個星期四,個市真係行番轉頭,一口氣衝左一千點...自己都不禁問有冇咁q架...@@
有好多野想講,不過沒太多時間組織,可能會有d亂
我想恆指短期應見左底,不過反彈可能很有限,或者只能徘徊於現水平上下3,4百點(消化調整,以時間消耗購買力,即相對高位趁反彈沽貨的意欲仍大於買上的力量),但就應該不會很快又穿底
雖然我之前"牛/熊市的定義"中說過根據我的定義是進入熊市,不過現階段,有個問題是,個市只係穿左前底(19423)小小(亦立即反彈),而且波幅及成交似乎不夠大,我在想它有沒有可能變為大型,中期的橫行狀態,而免於進入更深的跌勢(以時間消化沽壓,因為2萬點以下有足夠抵銷的購買力一直存在?)-->不過這暫時只是保留多一種可能性的考慮--免於有變掛發生時,自己反應遲鈍,唔客觀
(這是我的思考方式/習慣,下次得閒真係要講mindset,strategy既野,好重要. 要保持理智,中立,不陷於情緒/主觀,靈活而又能堅持做著該做的事,則認真考慮完全違反你自己本來看法的scenarios係好有用處)
實際上,中線來說,趁反彈離場還是眼前最值得做的事,即使日後要高追返,現在搵位走還是最"正確"的選擇; 相反,亦是步署做淡的機會,而20550~20750的裂口位是很好的防線,呢d位短期應該好難升穿到 (注意,唔代表穿左可以買返上)
短線方面,呢度我係無法提出一整周的什麼,因為呢d要日日睇日日講,日日個view都可能轉的,尤其玩衍生工具,不過大體上黎講,即使短線唔能夠升更多,都暫不至於穿底再跌,低位都可考慮"搏"下買上既; 我想我下星期中或尾才會有時間再post野了
有點可以提出一下是,期指個戰場其實2,3個月前已經轉左去國企為主的了,短線做衍生工具的,睇國企期貸會有更高的指標性
其實20/5(果日破底,尾市好快咬返上來)開始,國企期貨在低位就有很大的平淡倉力量(甚至可能好多賺左錢既人反手左),而昨日就恰好在反彈高位結算;
呢d短線狀況,是短炒者需要留意的,一時間我好有印象的是上年9月都係類似咁 (較今次難睇,要睇番細d,當時d分鐘圖先睇到,凡一穿底些小就有一浸平淡倉潮買上,持續係咁,果個月又就到結算,為什麼咁急平倉?結果就係因為結算會番去d相對高位度---你可以叫呢d為大戶陰謀,不過我只係覺得呢d係市場共識,我盡量都唔希望用太陰謀論的角度睇個市)
講住咁多先
HAVE A NICE WEEKEND ^^
沒有留言:
張貼留言